Кишида Таиланд жана сингапурдук кесиптештери менен сүйлөштү
Япониянын премьер-министри Кишида Фумио Таиланд жана сингапурлук кесиптештерине Тынч океан аймагынын коопсуздугу үчүн кызматташтык билдирүүсүн берди.
Япониянын премьер-министри Кишида Фумио Таиланд жана сингапурлук кесиптештерине Тынч океан аймагынын коопсуздугу үчүн кызматташтык билдирүүсүн берди.
Таиланддын премьер-министри Прают Чан-о-ча менен телефон аркылуу сүйлөшкөн Япониянын премьер-министри Кишида Фумио эки тараптуу жана аймактык абалдарды талкуулады.
Кишида сүйлөшүүдө өлкөсү көздөгөн «Эркин жана Ачык Индо-Тынч океан» көз карашынын алкагында Япония менен Таиланддын ортосундагы эки тараптуу кызматташтыкты арттырууну каалагандарын билдирди.
Мьянмадагы абал да талкууланган сүйлөшүүдө Кишида өлкөсүнүн Түштүк - Чыгыш Азия мамлекеттеринин (АСЕАН) сөз болгон өлкөдөгү арачылык аракеттерине колдоо көрсөтүүнү уланта турганын билдирди.
Прают япон кесиптешин жаңы кызматы менен куттуктап, Токио - Бангкок мамилелерин чыңдоонун маанилүү экендигин белгиледи.
Кишида Сингапурдун премьер-министри Ли Сяньлун менен болгон өзүнчө телефон сүйлөшүүсүндө коопсуздук, экология жана санариптик технологиялар боюнча эки өлкөнүн ортосундагы ар тараптуу карым - катнаштарды өнүктүрүүнү каалашкандарын белгиледи.
Сүйлөшүүдө Кишида кесиптешине "Чыгыш жана Түштүк Кытай деңизиндеги статус-квонун бир тараптуу өзгөртүүсүнө каршы чыгуунун" маанилүү экендигин айтты.
Тектеш кабарлар
Газада уранды астында 10 миңден ашуун киши дайынсыз жоголду
Газадагы жарандык коргонуу директорлугунан темага байланыштуу жазуу түрүндө мсаалымат берилди.