Facebook Евробиримдикте 10 миң адамды жумуш менен камсыздайт

Facebook социалдык түйүнү 5 жылдын ичинде Европа Биримдигинде (ЕБ) 10 миң адамды жумуш менен камсыздай турганын жарыялады.

Фейсбуктун веб-сайтында жарыяланган билдирүүдө, жаңы муундагы интернеттин бир бөлүгү болгон виртуалдык бөлүшүү жамааты деп аталган "Metaverseтин" карамагында ЕБ өлкөлөрүндө 10 миң кишинин жумушка орношору маалымдалды.

Билдирүүдө, чогуу иштей турган жогорку квалификациялуу кызматкерлердин келечектин интернетин кеңейтүүгө мүмкүндүк бере турган "Metaverseтин" түзүлүшүнө салым кошоору айтылып, бул инвестициянын "Европанын технология секторунун күчүнө жана европалык технология таланттарынын потенциалына" карата ишеним экени баса белгиленди.

Facebook "Metaverse" сыяктуу физикалык мейкиндикте болбогон башка адамдар түзө ала турган жана изилдей ала турган бир катар виртуалдык тармактарды сунуштоону көздөйт.

Фейсбуктун жетекчилери "Metaverseти" адамдар оюн ойноодо же изилдөө жүргүзүүдө чогуу жүргөндөй сезе турган чөйрө катары сүрөттөшүүдө.

Фейсбуктун негиздөөчүсү жана жогорку жетекчиси Марк Цукерберг бул тиркемени "уюлдук телефондорубуздан же экрандарыбыздан карай ала турчу эмес, анын бир бөлүгү боло турган жана ичине кире ала турган интернет" деп аныктоодо.