Японияда COVID-19га каршы киргизилген өзгөчө кырдаал аяктады

Японияда коронавируска каршы 19 аймакта киргизилген Өзгөчө кырдаал 1-октябрдан тартып жокко чыгарылды.

Ковид-19 учурларынын саны азайгандан кийин Токио жана Осака шаарлары менен бирге 19 аймактагы Өзгөчө кырдаал жана 8 аймактагы жарым-жартылай өзгөчө кырдаал чаралары аяктады.

Ушундайча өлкөдө апрель айынан бери баскыч түрүндө  кеңейтилген жана акырындык менен азайтылган Өзгөчө кырдаал режими колдонулган бир дагы аймак калган жок.

Борбор калаадагы өзгөчө кырдаалдын акыркы жарыяланышы Токио-2020 Олимпиадасынын башталышына чейин 12-июлда күчүнө кирген.