Кытайдагы жаңы коронавирустун түрлөрү пайда болушу мүмкүн болгон аймактар
Калифорния Беркли университетинин, Милан политехникалык университетинин жана Жаңы Зеландиянын Масси университетинин окумуштуулары биргеликте жүргүзгөн изилдөөнүн жыйынтыгы жарыяланды.
Коронавирустун мүмкүн болгон жаңы түрлөрү боюнча борбор боло турган көпчүлүк жайлар Кытайда жайгашкандыгы жарыяланды.
Калифорния Беркли университетинин, Милан политехникалык университетинин жана Жаңы Зеландиянын Масси университетинин окумуштуулары менен биргеликте жүргүзүлгөн изилдөөдө Батыш Европадан Түштүк-Чыгыш Азияга чейинки аймакта така жарганаттарынын табигый жашоо чөйрөсү каралды.
Изилдөөгө ошондой эле адамдар менен жаныбарлардын өз ара аракеттешүүсү кеңири жайылган калктуу конуштар, дыйканчылык жана мал чарбачылыгы менен алектенген жерлер киргизилген.
Жарганаттардын табигый жашоо чөйрөсүн жана бул аймактар кесилишкен аймактарды изилдеп, изилдөөчүлөр башка жандыктарга, айрыкча адамдарга жугушу мүмкүн болгон оорулардын жаңы борборлору болушу мүмкүн экендигин аныкташты.
Коронавирустун жаңы түрлөрүнүн борбору болушу мүмкүн болгон жерлердин көпчүлүгү Кытайда жайгашкандыгын белгилеп, изилдөөчүлөр Жапония жана Түндүк Филиппиндердеги токой бөлүнгөн айрым аймактар да коркунучта экендигин белгилешти.
Изилдөөчүлөр ошондой эле Тайланд жана Индокытай аймактарында мал чарбачылыгынын көлөмү көбөйсө, бул аймактар дагы борбор болуп калышы мүмкүн деп эскертишти.
Интенсивдүү мал чарбачылыгы өзгөчө тынчсызданууну жаратарын баса белгилеп, илимпоздор эпидемияга туруштук бере турган, генетикалык жактан окшош жана көп учурда иммунитети төмөн жаныбарлардын ири популяцияларынын чогуу жашоосу чоң коркунучтарды жаратарын белгилешти.
