Иран менен Россия Индия океанда биргелешкен аскердик машыгууларды өткөрүшөт

Иран менен Россия Инд океанынын түндүгүндө биргелешкен аскердик машыгууларды өткөрүшөт.

Иран армиясынын координациялоо боюнча орун басары, мурдагы деңиз күчтөрүнүн командачысы контр-адмирал Хабибулла Сейяри Орусия менен экинчи аскердик машыгуу өткөрө тургандыгын жарыялады.

Машыгуу Инд океанынын түндүгүндөгү коопсуздукту туруктуу кылуу максатында өткөрүлөт деп айткан Сейяри: «Россиянын күчтүү деңиз күчтөрү менен Ирандын армиясы жана Төңкөрүшчүл сакчылардын ортосундагы машыгуу ачык-айкын кабарды камтыйт.Төңкөрүштөн бери биздин өлкө көптөгөн коркунучтарга туш болуп, душмандарыбыз ар кандай пландарды даярдашты»,-деди.

Машыгуу бир айдын ичинде өтөт деп күтүлүүдө.

Иран, Россия жана Кытай 2019-жылдын 27-29-декабрында Инд океанынын түндүгүндө жана Перс булуңунун Ормуз кысыгында биргелешкен машыгуу өткөрүштү.