ЕБи Харун Абу Арамга жакын аралыктан ок аткан израилдик аскерлерди тез арада иликтөөгө чакырды
Бул тууралуу Европа Биримдигинин Палестина Делегациясынын Твиттер эсебинде жарыяланган.
Европа Биримдиги (ЕБ) 24 жаштагы палестиналык жаш Харун Абу Арамга жакын аралыктан ок аткан израилдик аскерлерди тез арада иликтөөгө чакырды.
Европа Биримдигинин Палестина Делегациясынын Твиттер эсебинде жарыяланган билдирүүдө,«Ноябрь айында эл аралык мыйзамдарды бузуп Израиль талкалап салган үйүн калыбына келтирген Абу Арамга өткөн жумада Израилдин аскерлери ок чыгарышты»,деген сөздөр камтылган.
Билдирүүдө палестиналык жаштардын өзүнө таандык үйдү коргоону каалагандыгы баса белгиленип, Израиль күчтөрүнүн ашыкча жана ченемсиз күч колдонуп жатканы белгиленди.
Билдирүүдө Израилден бул кооптуу окуяны токтоосуз жана ар тараптуу иликтеп, анын күнөөкөрлөрүн жоопко тартуу талап кылынды.
Палестинанын Саламаттык сактоо министрлиги жума күнү жасаган жазуу түрүндөгү билдирүүсүндө израилдик аскерлердин ок чыгаруусунун натыйжасында моюнунан катуу жаракат алган Абу Арамдын моюнунан ылдый шал болуп калгандыгы белгиленди.
