Сомалиде бомбалуу кол салуу болду

Сомалиде бир унаанын жолго жайгаштырылган минанын үстүнөн өтүшү менен чыккан жарылууда 7 киши каза болду.

Сомали маалымат агенттиги СОННАнын кабарына караганда жарылуу Жуба аймагында Кисмайо менен Дхооблейдин ортосундагы жолдо болду.

Жарылууда 7 киши каза болуп, алардын ичинде 7 айлык бөбөктүн бар экендиги да маалымдалды. Кол салууну азырынча эч ким моюнга ала элек.

Террордук уюм Еш  -  Шебаб бат – бат коопсуздук күчтөрү менен жарандык отурукташуу жерлерин бутага алган кол салууларды аткарууда.