Багдат эл аралык аэропортуна жакын жерде ракеталык кол салуу болду

Ирактын борбор шаары Багдаттагы эл аралык аэропорттун жакынында катюша ракеталары менен кол салуу жасалды.

Коргоо министрлигине караштуу Коопсуздук информация департаментинен берилген жазуу түрүндөгү маалыматта  Багдат эл аралык аэропортунун жакынына 2 катюша ракетасынын атылгандыгы маалымдалды.

Кол салууда каза болгон же жаралангандардын болбогондугу билдирилди бирок  окуя тууралуу кенен маалымат берилген жок. Кол салуунун жоопкерчилигин азырынча эч ким моюнга ала элек.