Поточариде 9 геноцид курманы дагы жерге берилди
8 372 бошняк жаран аёсуз түрдө өлтүрүлгөн геноциддин 9 курманынын күбөлүктөрү аныкталып түбөлүк жайына жайгаштырылды.
Сребреница геноцидинин 9 курманы Поточари мемориалдык көрүстөнүнө коюлду.
Босния Герцеговинанын чыгышындагы Сребреницада 1995 - жылдын июль айында болгон жана эң аз 8 372 бошняк жаран аёсуз түрдө өлтүрүлгөн геноциддин 9 курманынын күбөлүктөрү аныкталып түбөлүк жайына жайгаштырылды.
Геноцидде курман болгондор көмүлгөн Поточари мемориалдык көрүстөнүндө болгон жаназа намазына Босния Герцеговина мамлекеттик жетекчилери менен бирге өлкөдөгү димломатиялык миссиянын шефтери жана курман болгондордун үй - бүлөлөрү да катышты. Шейиттер үчүн окулган дуадан кийин аттары бир бирден аталган 9 курмандын жаназалары андан мурда даярдалган мазарларына жакындары тарабынан коюлду.
Бул жылы көмүлгөн геноциддин курмандарынын ичинен эң жашы, өлтүрүлгөн кезде 23 жашындагы Салко Ибисевич, эң катраңы 70 жаштагы Хасан Пазиж болду.
Жерге берилген башка курмандардын курактары төмөнкүчө :
Сестан Хасанович (24), Алия Сулжич (26), Хасиб Хасанович (25), Зухдижа Авдагич (48), Байро Салихович (52), Ибрахим Зуканович (54), Кемал Мусик (27).
Сребреницанын 1995 - жылы 11 - июлда Ратко Младижтин командирлигиндеги серб бөлүктөрү тарабынан басып алынышынан кийин БУУнун негизиндеги нидерландиялык аскерлерге баш калкалаган бошняктар андан кийин сербдерге тапшырылган.
Аялдар менен балдардын бошняк аскерлеринин көзөмөлүндөгү аймакка барышына уруксат берген сербдер эң аз 8372 бошняк эркекти токой аянтында, завод - фабрикаларда жана кампаларда өлтүргөн. Өлтүрүлгөн бошняктар топ түрүндө көмүлдү.
Согуштан кийин жоголгондорду табуу үчүн башталган издөө иштеринде мазарлардан топ түрүндө көмүлгөн кишилердин сөөктөрү табылды. Курман болгондордун ким экени аныкталгандан кийин жыл сайын 11 - июлда Поточари мемориалдык көрүстөнүндө өткөрүлгөн жаназа зыйнаты менен жерге берилүүдө.
