Дүйнө жүзү коронавирус менен күрөшүүсүн улантууда

Дүйнө жүзүндө коронавирустун жаңы түрүнөн (Ковид-19) улам каза болгондордун саны  541 миң 249 адамга жетти, ооруга чалдыккандардын саны 11 миллион 765 миң кишиге жетти. Айыккан адамдардын саны 6 миллион 758 миңден ашты.

132,000ден ашык адам каза болгон, 3 миллион 32 жуктурган учур катталган пандемиянын чордону АКШда (АКШ) сактануу үчүн улуттук беткап тагуу чечими кабыл алынбай тургандыгы жана бул чечимди штаттар өздөрү кабыл алат деп кабарланды. Ак үйдүн билдирүүсүндө Ковид-19 инфекциясы жуккан адамдардын 99 пайызы үчүн зыяндуу эмес жана өлкөдө өлүмдүн деңгээли төмөн экендиги айтылды. Президент Дональд Трамп, Твиттерде « соңку жаңылык: АКШда Кытай вирусунун жайылуусунун өлүмү дүйнөдөгү рейтингдеги эң төмөнкү деңгээлге түштү» деп бөлүштү. Трамп: «Мектептер күзүндө ачылышы керек»,-деди. Нью-Йорктун губернатору Эндрю Куомо, президент Трампты оорунун жайылгандыгы үчүн айыптады жана «ал коронавирусту четке кагууну каалайт жана аны биринчи күндөн баштап жасады. Ал сасык тумоо сыяктуу деди»,- деп айтты. Куомо Трампты беткап такпай жана кырдаалдын олуттуу экендигин четке кагып эпидемиянын жайылуусуна себеп болгон деп айыптады.

Эпидемиядан эң көп жабыркаган экинчи өлкө Бразилияда акыркы 24 саатта каза болгондордун саны 620га көбөйүп 65 миң 487ге жогорулады, вирустун  20 миң 229 кишиге көбөйүп 1 миллион 623 миң 284 адамга жетти. Президент Жейр Болсонаро коронавирустун жаңы белгилерин көргөндөн кийин кайрадан тесттен өтөрү жарыяланды. Ушул аптанын программасынан 3 иш-чараны жокко чыгарган Болсонаро, март айында Ковид-19 тестинен өтүп жыйынтыгы терс болгон.

Мексикада акыркы бир күндө Ковид-19дан каза болгондордун саны 480 адамга көбөйүп, 31 миң 119 адамга, ал эми жуккан адамдардын саны 4 902 адамга көбөйүп 261 миң 750гө жетти.

Эпидемиянын Европадагы чордону Англияда, вирустун айынан акыркы 24 саатта 16 адам каза болуп, жалпы 44 миң 236 адам өмүрүнөн ажырады. 352 адамга вирус жуккан өлкөдө, жалпы жуктуруп алгандардын саны 285 миң 768 болгон.

Италияда акыркы 24 саат ичинде коронавирустун жаңы түрүнөн  8 адам көз жумуп, жалпы 34 миң 869 адам өмүрүн жоготкон. Өлкөдө 208 жаңы жуктурган учур катталса, бейтаптардын саны 14709га чейин кыскарган.

Францияда акыркы 3 күндүн ичинде эпидемиянын кесепетинен 27 адам көз жумуп, 29 миң 920 адам каза болду, ал эми акыркы 24 саат ичинде инфекцияга чалдыккандар 176 адамга көбөйүп, 203 миң 487 адамга жетти.

Испанияда эпидемиянын кесепетинен 28 388 адамдан айрылуу катталды, ал эми акыркы 24 саат ичинде жуктуруп алгандар 178 адамга көбөйүп, 251 миң 789 болду. Жалпы өлкөнүн 47 жеринде Ковид-19да экинчи толкун аныкталды деп жарыяланды.

Бельгияда 9 миң 774 адам каза болгон болсо, илдетке чалдыккандардын саны 62 миң 58 адамга жетти.

Аргентинада акыркы 24 саатта Ковид-19 эпидемиясынын кесепетинен 75 адам көз жумду, каза тапкандардын жалпы саны 1 582 болду. Бул вирус жуккан күндөн баштап бир күн ичинде эң көп өлүм катталды. Өлкөдө 3 айдан ашык убакыттан бери карантин ишке ашырылууда, ал эми акыркы вирус жуккан учур  2 миң 632ге көбөйүп, 80 миң 447ге жетти.

Ковид-19 Австралиянын Мелбурн шаарында 191 адамда аныкталгандан кийин, милдеттүү себептерден тышкары, 6 жума бою коменданттык саат киргизилет. Жаңы иш-чаралардын натыйжасында, экинчи чейректе балдар бакчасынан 10-классына чейинки окуучулардын эс алуусу дагы бир жумага узартылды. Ковид-19дан 106 адам көз жумган өлкөдө 8 755 адам оору жуктурган.