Трамп шайлоочулар менен жолукту

АКШнын президенти Дональд Трамп дүйнөнүн бир катар жериндеги аскерлерин үйлөрүнө алып келүүнү каалаганын, мунун Сирия менен Ооганстанды дагы камтыганын белгиледи.

Трамп Fox телеканалынын Пенсильваниядан түз алып көрсөткөн эфиринде шайлоочулар менен жолугуп суроолоруна жооп берди.

АКШга дагы таасирин тийгизген жаңы типтеги коронавирус тууралуу сереп салган Трамп, бул темада чара көрүп жаткандарын жана эч кимдин тынчсызданбашы керектигин баса белгиледи.

Саясатчылардын адамдар менен кол алышып саламдашууга аргасыз болгондорун айткан Трамп: «Адамдарды кол алышууга көндүрүү үчүн убакыт болгондо ошол азыр болмок», деди.

Талибандын түзүлгөн тынчтык келишимине карабастан аймактагы кол салууларын улантып жаткандыгы эске салынганы боюнча Трамп, аймакта 20 жылдан бери жүргөндөрүн жана эми согуш каалабагандарын белгиледи.

Трамп эми Сирия же Ооганстанга дагы көп аскер жөнөтүүнүн ишке жарабагандыгы жана аскерлерин чыгарып кетүүнү чечкендиги боюнча мурунку коргоо министри Жеймс Маттис менен да бул темада келише албаганын айтты.

Сириядагы ДЕАШ террористтерин да жүз пайыз жок кылгандарын жактаган Трамп, Сирияда мунайды коргоо үчүн бир канча аскерди ал жерге калтыргандарын билдирди.