Дональд Трамп Иранды коркутту

 АКШнын президенти Дональд Трамп өлкөсүнө таандык учкучсуз унаа аппаратын атып түшүргөн Иранды коркутту.

Трамп социалдык бөлүшүү сайты твиттерден берген бир сүйлөмдүк билдирүүсүндө : «Иран абдан чоң жаңылыштык кылды»,- деди. Бир тараптан Трамп Канаданын премьер  - министри Джастин Трюдо менен Ак үйдөгү жолугушуусунда журналисттерге АКШ  -  Иран араздашуусуна байланыштуу маалымат берди. Трамп Ирандын АКШга таандык бир учкучсуз унаа аппаратын аткандыгына байланыштуу : «Абдан чоң жаңылыштык кылды. Учкучсуз унаа аппараты эл аралык сууларда болгон, илимий жактан мунун далилдерине ээбиз. Бул кишилер абдан чоң жаңылыштык кылды, жаңылыштык кылгандар бекер жана акылсыз киши болушу керек»,- деди.

«АКШнын Иранга карата кол салуу планы барбы?»  деген суроого болсо : «Жакында көрөсүңөр»,- деп жооп берди.

Иран Төңкөрүш Гвардиялары армиясы кечээ эрте мененки сааттарда Оман булуңуна жээктеш Хормозган  аймагына караштуу Кухмубарек шаарынын жээгинде «Иран аба аянтын бузган» АКШ аба күчтөрүнө таандык RQ-4 Global Hawk моделиндеги учкучсуз унаа аппаратынын кургактыктан абага ракета атуу менен атып түшүрүлгөндүгүн жарыялаган.

АКШ Борбордук Күчтөр Командирлиги болсо окуяны ырастап бирок учкучсуз унаа аппаратынын эл аралык сууларда учкандыгын жактаган.