Жакынкы Чыгышка курал сатуу 2 эсе көбөйдү

Жакынкы Чыгыш өлкөлөрүнүн курал экспорту 2013-2017-жылдар аралыгында андан мурдагы 5 жылга караганда эки эсе артты.

Мюнхен коопсуздук отчету-2019, коргонуу жана тышкы саясат темалары каралган 80 өлкөнүн өкмөт башчылары жана коргоо министрлеринин катышуусу күтүлгөн 15-17-февралдагы Мюнхен коопсуздук конференциясынын алдында жарыяланды.

Отчетто, дүйнө жүзүндө улуттук кирешесине катышы жагынан эң жогорку курал экспортун кылган 10 өлкөдөн жетөөнүн Жакынкы Чыгышта экени эске салынып, Жакынкы Чыгыш аймагындагы өлкөлөргө курал экспортунун 2013-2017-жылдар аралыгында андан мурдагы 5 жылга  салыштырмалуу эки эсе артканы белгиленди.

Отчетто Жакынкы Чыгыштагы өлкөлөрдүн 2014-2018-жылдардагы курал экспортунун 53 пайызынын АКШ, 11 пайызынын Франция, 10 пайызынын Англия жана 2 пайызынын Түркия тарабынан камсыздалганы маалымдалды.

АКШнын президенти Дональд Трамптын Сириядан аскер чыгаруу чечиминен кийин Сириянын келечегинде Түркия, Орусия жана Ирандын белгилөөчү таасири боло турганына шилтеме берилген баяндамада, Сирияда Европа Биримдигинин толугу менен процесстин тышында калганы белгиленди.

Жакынкы Чыгышта Сауд Арабия, АКШ, Израиль жана Иранды камтыган «кагылышуу риски» темасында эскертүү жасаган отчетто, Йемен, Перс Булуңу жана Иракта болуп кетүүчү кааланбаган кагылышуулардын бул актерлордун арасында чоң кагылышууга айлана ала турганына басым жасалды.

Отчетто, учурдагы дүйнөлүк тартиптин бузулган учурунда ЕБнин маанилүү өлкөлөрү болгон Англия, Германия жана Франциянын турган аймактарынын ырааттуулугу үчүн роль ала тургандары боолголонду.