Орусиянын С-300 системасы Сирияга жайгаштырылды

Орусиянын коргоо министри Сергей Шойгу, Сирияга С-300 абадан коргонуу ракеталык системасынын тапшырылганын билдирди.

Шойгу, Орусиянын мамлекет башчысы Владимир Путиндин жетекчилигинде өткөн Коопсуздук кеңешинин жыйналышында орус аскерлеринин Сириядагы коопсуздугун арттырыш үчүн көрүлгөн чараларды жарыялады.

Сирияга С-300 абадан коргонуу ракеталык системасынын тапшырылганын маалымдаган Шойгу: «С-300дөрдүн тапшырылышын ишке ашырдык. Муну менен катар 49 башка аскердик техникалык аппарат да тапшырылды»,-деп айтты.

Өткөн айда Жер Ортолук деңизде Сирияда чалгындоо учуусун кылган жана 15 аскерди ташып бараткан Орусиянын Ил-20 учагы Сириянын ракеталары тарабынан атылып түшүрүлгөн.

Орусия, окуя тууралуу Израилдин аба күчтөрүн күнөөлөп, Сириядагы орус аскерлеринин коопсуздугун артыруу үчүн режимге мындан мурда тапшыруудан баш тарткан С-300 абадан коргонуу системасын бере турганын жарыялаган.