Шойгу: «Сирияда операция аяктап калды»

Орусиянын коргоо министри Сергей Шойгу Сирияда террористтерге каршы жүргүзүлгөн операциянын аяктап калганын белгиледи.

Израилге расмий сапар менен барган Шойгу, израилдик кесиптеши Авигдор Либерман менен жолугушуусунда: «Сирияда операция аяктап калды. Чукул чечилүүсү керек болгон бир канча маселе бар. Сириянын келечектеги өнүгүүсү да каралуусу зарыл»,- деп айтты.

Орусия менен Израилдин ортосунда талкуулана турчу көптөгөн теманын бириккенин да айткан Шойгу: «Эки тараптуу аскердик жана техникалык кызматташуу менен катар албетте эң негизги темалар, террорго каршы күрөшүү жана аймактагы кырдаал боюнча,- деди.

Орус министр: «Дүйнөдөгү террордук кол салуулар күчөгөн шарттарда, эл аралык коомчулуктун буга каршы күрөшүүдө тилектештикке муктаждыгы бар»,-деп айтты.

Шойгу сүйлөшүүлөрдүн бири-бирлерин дагы жакшы түшүнүүлөрүнө жана Орусия менен Изарилдин куралдуу күчтөрүнүн ортосундагы досчо алакалардын бекемделишине жардамчы болоорун билдирди.