Түндүк Корея АКШга чакырык салды

Түндүк Корея Парламентинин биринчи орун басары Тонг Чун, АКШга өлкөсүнө багытталган душмандык саясаттарынан баш тартуу чакырыгын салды.

Орусиянын Санкт-Петербуг шаарында уланган Парламенттер аралык Биримдик саммитинде сөз сүйлөгөн Чунг: «АКШнын Түндүк Кореяга каршы душмандык саясатын соңуна чыгаруусун каалайбыз»,-деди.

Түндүк кореялык парламентар, Пхеньяндын атомдук программасынын өлкөсүнүн көз карандысыздыгын коргоону максаттаганын белгилеп өттү.

Чунг: «Өлкөбүздүн жашоосуна кастык кылынганын жана АКШ тарабынан жок кылынуу коркунучуна дуушар болгонубузду жарыялагыбыз келет. Тарых өзүбүздү-өзүбүз коргообуз керектигин далилдеп жатат жана атомдук программаларыбыз баш тарттырууга карай болуп, көз карандысыздыгыбыздын корголушун максаттайт»,-деп айтты.

Бул учурда CNNге маалымат берген АКШнын мамлекеттик катчысы Рекс Тиллерсон: «Алгачкы бомба түшкөнгө дейре Түндүк Корея кризисин дипломатиялык жолдор менен чечүүгө аракеттенүүбүздү улантабыз»,-деди.

Трамптын Түндүк Корея менен согушкусу келбегенин баса белгилеген Тиллерсон: «Маселенин дипломатиялык жолдор менен чечилишин каалайт, согушту баштоо ниети жок. Дипломатиялык аракеттер алгачкы бомба түшкөнгө дейре уланат»,-деди.