Асад режими убактылуу ок атууларды токтотууну жарыялады

Башар Асад режими Сириянын түштүгүндөгү Дера, Кунейтра, Сүвейда облустарында жасаган кол салууларды төрт күндүгүнө токтоткондугун жарыялады.

Режимдин коргоо министрлигинин интернет сайтынан берилген жазуу түрүндөгү маалыматта : «Армия жана куралдуу күчтөрүнүн башкы командирлиги тынчтык жана макулдашуу процессине колдоо берүү үчүн өлкөнүн түштүк аймагындагы Дера, Кунейтра, Сүвейда облустарында жүргүзүлгөн аскердик операцияларын 2 -  июль күнү саат 12ден  6 -  июль 00:00гө чейин токтотту»,- деп билдирилди.

Убактылуу ок атууларды токтотуу процессинин 4 – 5 -  июль күнү Казакстандын борбор шаары Астана жыйыны өткөрүлө турган күндөрдү камтуусу көңүлдөрдү бурууда.