Индияда муссон жамгырлары
чагылгандын түшүүсү менен көптөгөн киши каза болууда
Индиянын чыгышындагы Бихар, Джаркханд жана Мадхья-Прадеш аймактарында таасирдүү болгон муссондук жамгырлар жана борошодон улам 80 киши каза болду. Индия басма сөзү өлкөнүн чыгышындагы Бихар провинциясынын башка аймактарында 53, коңшу аймак Джаркхандда 10 жана Мадхья – Прадеш аймагында 17 кишинин каза болгондугу, ондогон кишинин да жаралангандыгын белгиледи.
Каза болгондордун көпчүлүгүнүн талаада иштеп жатканда чагылгандын түшүүсү менен каза болгондугу белгиленди.
Бихар аймагынын премьер – министри Нитиш Кумар каза болгондордун үй – бүлөлөрүнө 400 миң рупи компенсация төлөнөрүн жарыялады. Муссон жамгырларынын улануусу менен каза болгондордун санынын артуусунан тынчсыздануулар болууда. Индияда жыл сайын чагылгандын айынан көп сандаган киши каза болот.
