Էրդողանը հեռախոսազրույց է ունեցել Զելենսկու հետ
Նախագահ Ռեջեփ Թայիփ Էրդողանը հեռախոսազրույց է ունեցել Ուկրաինայի նախագահ Վլադիմիր Զելենսկու հետ։
Նախագահության հաղորդակցության տնօրինության հաղորդագրության համաձայն՝ հեռախոսազրույցում քննարկվել են փետրվարի 24-ից ընթացող ուկրաինա-ռուսական պատերազմի վերջին զարգացումները։
Հեռախոսազրույցում նախագահ Էրդողանը հայտարարել է, որ իրենք բոլոր ջանքերը գործադրել են Ուկրաինայի և Ռուսաստանի միջև բանակցությունները շարունակելու համար, և որ պատրաստ են այսուհետ ցուցաբերել անհրաժեշտ աջակցություն, այդ թվում՝ միջնորդություն։
Էրդողանը հայտարարել է, որ հատկապես կարևորում է ծովով ուկրաինական գյուղատնտեսական արտադրանքի արտահանման անվտանգ միջանցքի ստեղծման նախագիծը։
Նախագահ Էրդողանը հայտարարել է, որ իրենք դրական են վերաբերվում Ռուսաստանի, Ուկրաինայի և ՄԱԿ-ի մասնակցությամբ ստեղծվելիք Վերահսկիչ կենտրոնին մասնակցելուն և կենտրոնը Ստամբուլում հյուրընկալելուն որպես սկզբունք։