Google-ը գնել է Superpod ծառայությունը

Google ընկերությունը գնել է Superpod ծառայությունը, որը նախկինում հայտնի էր որպես Sparks։

Գործարքի մանրամասները պաշտոնապես չեն բարձրաձայնվում։ Ենթադրվում է, որ Google-ը գործարքին գնացել է իր Google Assistant ծառայության զարգացման նպատակով։ Axios-ի տվյալներով՝ գործարքի արժեքը կազմում է 60 մլն դոլար։

Superpod-ը հարցեր եւ պատասխաններ ուղարկելու ծառայություն է։ Այն տեղադրել է թեմաների լայն շրջանակի շուրջ օգտատերերի հարցերն ու փորձագետների պատասխանները։ Superpod-ը հիմնադրվել է 2016 թվականին։ Սեպտեմբերին, սակայն, այն փակել է իր հավելվածը։