Տրուհանով․ Պատերազմի սկզբից ի վեր նման մասշտաբի հարձակում չի եղել

Նշելով, որ հարձակման հետևանքով տներ են վնասվել՝ Տրուհանովը կիսվել է տեղեկություններով, որ զոհեր չկան, սակայն տուժել է 10 մարդ, այդ թվում՝ 1 երեխա։

«Այս գիշեր ամենասարսափելի գիշերներից մեկն էր: Մենք չենք հիշում պատերազմի սկզբից ի վեր նման մասշտաբի հարձակում»,- ասել է Տրուհանովը:

Ուկրաինայի Գյուղատնտեսական քաղաքականության և պարենի նախարարությունը հայտնել է, որ Ռուսաստանը հարձակում է սկսել Օդեսայի և Չորնոմորսկի նավահանգիստների վրա, և որ 60 հազար տոննա հացահատիկ, որը ծրագրված էր տեղափոխել հացահատիկի միջանցքով, խոցվել է:

Ուկրաինայի նախագահ Վլադիմիր Զելենսկին նույնպես հայտարարել է, որ Ռուսաստանը միտումնավոր թիրախավորել է Ուկրաինայի հացահատիկի առևտրի ենթակառուցվածքը։

Ռուսաստանի պաշտպանության նախարարությունը, մյուս կողմից, հայտարարել է, որ բարձր ճշգրտության հրթիռներով հարվածել է ուկրաինական բանակի ռազմական օբյեկտներին Օդեսա քաղաքի մերձակայքում գտնվող ռազմաբազայում և Կիրովոգրադի մարզում։