türk qehwesi jenubiy koréyening yémek - ichmek tizimlikige kirdi
yunus emre institutining yazma bayanatigha asaslanghanda, institut 2019-yilidin buyan jenubiy koréyede paaliyet élip bériwatqan bolup, türkiye kültürini tonushturush xizmetlirini dawamlashturmaqta.
türkiye awazi radiyosi xewiri: yunus emre instituti teripidin bashlitilghan «türk qehwesi jenubiy koréyede» namliq layihe dairiside, türk qehwesini jenubiy koriyening zenjirsiman qehwexanilirining biri bolghan «Seul YEE» séul yé we «BeBridge» bé bérjning hemkarlishishi bilen jenubiy koréye xelqige tétitti.
«Seul YEE» séul yé we paytext séulda 23 shöbisi bar bolghan «BeBridge» bé bérj otturisida imzalanghan kélishim bilen teng türk qehwesi bé bérjning qehwexanilirida sétilishqa bashlandi.
bu layihe ishqa ashurulushtin ilgiri türk qehwesining özgiche temidin jenubiy koréyeliklerning huzurlinalishi üchün qehwexana xizmetchilirini terbiyilesh programmiliri ötküzüldi.
«BeBridge» bé bérj shöbiliride mexsus baklawa bilen birikte sunulidighan türk qehwesi sétilishqa qoyulghan tunji kündin bashlapla koréyiliklerning zor qiziqishini qozghidi. yüzligen kishiler ijtimaiy alaqe torida resim we sinlar bilen özlirining türk qehwesi tejribisini ortaqlashti.
layihe dairiside, aldimizdiki 30 kün ichide «BeBridge» bé bérj shöbiliridin türk qehwesini zakaz qilghan we bu tejribini ijtimaiy alaqe torida hembehirligenlerdin 5 kishige chek tartish arqiliq séul-istanbul bérip-kélish ayropilan béliti, yene 5 kishige istakan yürüshlüki we onlighan sowghat taloni qatarliq mukapatlar bérilidighan boldi.
