türk alimliri: omikron wariyantidin alaqzade bolmasliq kérek
gérmaniyede wuxen wirusi (Kovid-19) waksinasini tetqiq qilip yasighan türk alimliri we biyonték shirkitining qurghuchiliridin ughur shahin bilen özlem türeji omikron wariyanti sewebidin alaqzade bolmasliq kéreklikini éytti.
türkiye awazi radiyosi xewiri: wuxen wirusi waksinalirini tetqiq qilip yasighan alimlardin ughur shahin bilen özlem türeji gérmaniyening maynz (Mainz) shehiride, muxbirlarning soallirigha jawab berdi.
ughur shahin ikki heptidin kéyin omikron wariyanti heqqide omumiy melumatlar toplanghanda, éniq xulase chiqarghili bolidighanliqini alahide eskertip: «omikron wariyanti sewebidin qorqup ketmeslik kérek. alaqzade bolushning hajiti yoq. wariyantning oxshimighan türlirining barliqini bilimiz. waksinaning bu wariyantqa az tesir körsitidighanliqini, emma éghir késel bolushtin qoghdaydighanliqinimu bilimiz. üchinchi shishe waksisnani emletkendin kéyin, weziyetning téximu yaxshilinidighanliqigha ishinimiz» dédi.
u tetqiqatlargha asaslanghanda, waksinaning eks tesir peyda qilmighanliqini tekitlep: «ikkiliniwatqanlarni qayil qilish lazim» dédi.
özlem türeji 2012-yildin tartip marna (Mrna) waksinasini tetqiq qiliwatqanliqlirini bildürüp: «20 ming adem üstidin waksinani sinaq qilip, %95 muweppeqiyetke érishkenlikingizni bilgen waqtingiz, del heqiqetni bilgen we eng xushal bolghan waqtingizdur» dédi.
مۇناسىۋەتلىك خەۋەرلەر
ezerbeyjanda 5.2 bal yer tewridi
ezerbeyjan yer tewresh mulazimet merkizi yer tewresh heqqide bayanat élan qildi.
