jeyhun bayramow: «<shusha xitabnamisi>uzun yillarghiche tillardin chüshmeydu»
ezerbeyjan tashqi ishlar ministiri jeyhun bayramow türkiye bilen ezerbeyjan otturisida imzalanghan shusha xitabnamisining tarixiy ehmiyetke ige xitabname bolghanliqini éytti.
türkiye awazi radiyosi xewiri: jeyhun bayramow antalya diplomatiye munbiri (ADF) yighini munasiwiti bilen anadolu agéntliqigha bergen bayanatida, jumhur reis rejep tayyip erdoghanning 15-iyundiki ezerbeyjan ziyaritige qarita «tarixiy ehmiyetke ige» dep baha bérip, «jumhur reis (erdoghan) ezerbeyjanni daim ziyaret qilip turidu. lékin tunji qétim bir dunya rehbiri azad qilinghan yerlerni, türk dunyasida alahide orungha ige shusha shehirini ziyaret qildi. u yerde ezerbeyjan pirézidénti ilham eliyéw bilen ikki dölet ittipaqdashliq xitabnamisini imzalidi. bu tarixiy ehmiyetke ige xitabnamidur. uzun yillarghiche tillardin chüshmeydighan bir xitabnamidur» dédi.
bu xitabnamining peqet ezerbeyjan we türkiyegila emes, belki rayon döletlirigimu ijabiy tesir körsitidighanliqini tekitligen jeyhun bayramow, «<shusha xitabnamisi> rayonimizning tinchliqi we tereqqiyatigha xizmet qilidu» dédi.
jeyhun bayramow qarabaghda keng kölemlik qayta qurush xizmetlirini bashlighanliqini chüshendürüp, türkiyening qarabaghni qayta qurushta muhim rol oynighanliqini tilgha aldi.
jeyhun bayramow yene, qarabaghdiki urush toxtitishni nazaret qilish dairiside qurulghan türkiye-rusiye birleshme közitish merkizining paaliyitini medhiyeleydighanliqi bildürdi.
مۇناسىۋەتلىك خەۋەرلەر
shiwéytsariyede türk heptiliki paaliyiti ötküzülmekte
shiwéytsariyening jenwe shehiride türk heptiliki paaliyiti ötküzülmekte.
