eli erbash musulman diniy rehberlerge ayasofya jamesi heqqide mektup yollidi

türkiye awazi radiyosi xewiri: türkiye diniy ishlar idarisi bashliqi piroféssor doktor eli erbash mektubida, «ayasofyai jami kebir sherif» ning yéngidin tirilgenlikini bildürüp, qaytidin jamelik salahiyitige érishtürülgenlikidin hés qilghan xushalliqini hembehirlidi.

eli erbash her bir musulmangha oxshash öziningmu bu özgirishtin hés qilghan jushqunluq we xushalliqini ortaqlishishni xalighanliqini tilgha aldi.

eli erbash musulmanlarning 86 yildin béri «ayasofyai jami kebir sherif» ke bolghan chongqur séghinishini eskertip, türkiyediki her bir musulmanning qelbide ayasofya söygüsining mewjutluqini saqlap kelgenlikini,  shu wejidin qanchilighan yillardin buyan ibadetxanigha aylandurushini telep qilip yürüshler élip bérilghanliqini,  tiyatir we hetta  shéir- dastanlarning yézilghanliqini bildürdi.

musulmanlarning «ayasofyai jami kebir sherif» ke sazawer bolghanliqidin qanchilik shadliqqa chömgenlikini tilgha alghan eli erbash: "alllahqa hemdu – sanalar bolsunki, mana bügün ayasofya öz tebiitige (xaraktérigha) ige boldi.  jumhur reisimizning qetiy iradisi bilen buningdin kéyin allahqa sejde qilinidighan jaygha özgerdi. ümid qilimenki, ayasofyaning qayta tirilishi mesjidi eqsaning azad qilinishining béshariti bolghusi. uning bu tirilishi inshaallah, izilgen we azap ichidiki möminlerning kelgüsi üchün ümid menbesi shundaqla adalet, rehim-shepqet we exlaq asasida qed kötürgen medeniyetimizning qaytidin güllinishining tunji belgisi bolghusi» dédi.

eli erbash musulman diniy rehberlerning aldimizdiki qurban héytinimu tebriklep: «janapliringlar bilen birge qisqa waqit ichide ayasofyada bir septe bolushni ümid qilip, eng chongqur, qelbi salam we hörmetlirimni sunimen» dédi