tramp hökümitining chetellik oqughuchilargha alaqidar qarari emeldin qalduruldi

türkiye awazi radiyosi xewiri: tramp hökümiti mezkür uniwérsitétlarda oquwatqan chetellik oqughuchilargha qarita «ya yüzmu- yüz ders ötidighan uniwérsitétlargha ötüshi yaki dölettin chiqip kétishi kérekliki» shertini qoshqan  bolup, belgilimige qarshi élip bérilghan qanuniy mujadilidin kéyin hökümet qararidin yandi.

belgilimige qarita xarward we massachuséts sanaet instituti (MIT) erz sunghan bolup, erzni bir terep qilghan rayonluq sotchi allison burrows bu yéngi qararni élan qildi.

burros tünügün sotta tunji qétimliq ispat anglash yighinining échilishida söz qilip, amérika chégra mudapie we tamozhna organlirining mezkur qararni békar qilidighanliqini bildürdi.

tramp hökümiti 6 - iyuldiki bayanatida, kowid-19 yuqumi sewebidin pütünley torda ders ötüsh usulini bashlighan uniwérsitétlarda oqush heqqige ige bolghan chetellik oqughuchilargha yéngi wiza bérilmeydighanliqini we amérikadiki oqughuchilarningmu dölettin chiqip kétishi kéreklikini élan qilghan idi.

bayanatta, oqughuchilarning qanunluq ornini saqlap qélish üchün qismen yaki toluq yüztura maarip bilen teminleydighan bashqa uniwérsitétlargha köchüshi kérekliki bildürülgen idi.

tramp hökümitining bu qarari zor tesir qozghighan hemde 17 ishtattiki we paytext washingiton diki 40 tin artuq uniwérsitét qararning emeldin qaldurulishi üchün sotqa erz sunghan idi.