bir qisim sherq döletliridiki yuqum ehwaligha alaqidar toluqlima xaraktérlik yéngi melumatlar:
dunya miqyasida wuxen wirusi (Kovid-19) sewebidin jénidin ayrilghanlarning sani 446 ming 193 tin dashti. yuqumlanghuchilarning sani 8 milyon 266 ming 476 gha yetti salametliki eslige kelgenlerning sani 4 milyon 323 ming 357 ge örlidi.
türkiye awazi radiyosi xewiri: xitayning paytexti béyjingdiki yémek- ichmek top tarqitish baziri shinfadini menbe qilghan yéngi tiptiki wirusning téz tarqilishi sewebidin sheherdiki agahlandurush derijisi yuquri kötürülüp, barliq mekteplerde oqutush toxtitildi. éyjingda 12 - iyundin béri bayqalghan yéngi yuqumlanghuchilarning sani 106 ge yetti. xitay chong quruqluqida wirus sewebidin 4 ming 634 kishi qaza qilip, 83 ming 221 kishi yuqumlanghan idi.
misirda kowid -19 sewebidin yene 94 kishi qaza qildi. shuning bilen qaza qilghanlarning omumiy sani 68 neper doxturni qoshqanda 1766 ge yetti. yéqinqi 24 saet ichide 567 yéngi yuqumlanghuchi tizimgha élinip, omumiy yuqumlanghuchilarning sani 47 ming 856 ge yetti.
hazirghiche bashqa bir qisim döletlerde wirustin ölgenlerning sani töwendikiche:
hindistanda 11 ming 921, iranda 9 ming 65, rusiyede 7 ming 284, pakistanda 2 ming 975, hindonéziyede 2 ming 231, jenubiy afriqada 1625, seudi erebistanda 1052, yaponiyede 927.
