bügün «23 – aprél milliy igilik hoquq we balilar bayrimi» küni
bügün «23 – aprél milliy igilik hoquq we balilar bayrimi» we türkiye büyük millet mejlisi qurulghanliqining 100 – yilliqi tentenilik halda tebriklenmekte.
türkiye awazi radiyosi xewiri: maarip ishliri ministiri ziya selchuq, «23 – aprél milliy igilik hoquq we balilar bayrimi» küni munasiwiti bilen atatürk xatire sariyini ziyaret qildi.
«<misaqi milliy> munari» da atatürk xatire sariyining mexsus depritini imzalighan salchuq, depterge her bir ösmürning hayatida ijabiy tesirlerni qaldurush üchün pütün küchliri bilen xizmet ishlewatqanliqlirini, bu angni chöridigen halda ösmürlerni özlirining milliy we meniwi qimmetlirige sahip chiqalaydighan, dunyawi qimmetlerni qobul qilalaydighan, öz dewrining yönilishini belgiliyeleydighan bilimlik, talantliq, erkin pikirlik, wijdanliq we istidatliq ewlatlardin qilip yétishtürüp chiqish üchün mislisiz tirishchanliq körsitiliwatqanliqini yazdi.
kün ichide türkiye büyük millet mejlisining bashliqi mustafa shentup, mejlis qurulghanliqining 100 – yilliqini tebriklesh murasimliri dairiside, atatürk xatire sariyigha gülchembirek qoyidu, atatürk xatire sariyi we tunji mejlis binasida ötküzülidighan atatürkni xatirilesh murasimlirigha qatnishidu. shuning bilen bir waqitta, mexsus küntertipke asasen toplinidighan türkiye büyük millet mejlisi omumiy kéngishide ishqa ashurulidighan étildaq, nurlandurush we lazér nomurlirini köridu.
muawin jumhur reis fuat oktay bilen jumhuriyet xelq partiyesi rehbiri kemal qilichdaroghlumu, atatürk xatire sariyi we tunji mejlis binasida ötküzülidighan atatürkni xatirilesh we mexsus küntertipke asasen toplinidighan türkiye büyük millet mejlisi omumiy kéngishi paaliyetlirige ishtirak qilidu.
yashlar we tenterbiye ministiri mehmet muharrem qasapoghlu, atatürk xatire sariyidiki murasim we mexsus küntertipke asasen toplinidighan türkiye büyük millet mejlisi omumiy kéngishining paaliyetlirige qatnishidu.
