ispaniye birinchi putbol birleshmisi «La Liga» ni wuxen wirusi basti
ispaniye birinchi putbol birleshmisi «La Liga» kulublirining biri bolghan walénsiyede, téxnika xadimliri we putbolchilardin 5 kishining yéngi tiptiki wuxen wirusi (Kovid-19) bilen yuqumlanghanliqi bildürüldi.
1378795
türkiye awazi radiyosi xewiri: walénsiye kulubi özining instagram hésawida, argéntinaliq putbol cholpini ézékél garaydin bashqa yene, téxnika xadimliri we putbolchilar arisidimu 4 kishide wuxen wirusi (Kovid-19) bayqalghanliqini élan qildi.
ispaniye kulubi wuxen wirusi bilen yuqumlanghanlarning hemmisining salametliki yaxshi ikenlikini we öyide karantinagha élinghanliqini uqturdi.
putbol cholpini ézékél garay tünügün etigende ijtimaiy taratqu hésabida, özining wuxen wirusi bilen yuqumlanghanliqini élan qilghan idi.
argéntinaliq putbol cholpini, ispaniye birinchi putbol birleshmiside tunji bolup wuxen wirusi bayqalghan putbolchigha aylanghan idi.
