putin makron bilen téléfonda körüshti
rusiye pirézidénti wiladimir putin firansiye pirézidénti émmanuél makron bilen téléfonda körüshti.
türkiye awazi radiyosi xewiri: kirémil sariyi teripidin bu heqte élan qilinghan yazma bayanatta mundaq déyildi: «téléfon söhbitide, ikki rehber liwiye kirizisini siyasiy yollar arqiliq hel qilishning zörürlükini tekitlidi. rusiye bilen firansiye birleshken döletler teshkilati bilen gérmaniyening kirizisni siyasiy yollar arqiliq hel qilish tirishchanliqlirini dawamliq qollaydighanliqlirini bildürdi. shuning bilen bir waqitta, téléfon söhbitide, süriyening idlib we sherqiy shimaliy rayonliri toghruluq muzakire élip bérildi, rehberler térrorizmgha qarshi küresh qilinishi we bu heqte mas qedemde heriket qilishning zörürlükini qeyt qildi. téléfon söhbitide yene, firansiyening paytexti parizhda ötken hepte firansiye, gérmaniye, ukraina we rusiyening ishtirak qilishida chaqirilghan <normandiye endizisi» diki töt dölet bashliqliri yighini toghriliqmu muzakire élip bérildi.»
bayanatning axirida mundaq déyildi: «putin donbasqa alahide salahiyet bérilishi, urush toxtitishning ishqa ashurulushi, esir hem tutqun almashturush qatarliq bu heqte chiqirilghan barliq qararlarning qetiy ijra qilinishi lazimliqini tekitlidi. ikki rehber, rusiyening tebiiy gazini ukraina arqiliq yawropagha yetküzüsh mesilisi toghriliqmu özara pikir almashturdi.»
