bügün mewlut qendili
muhemmed eleyhissalam dunyagha kelgen kün bolghan mewlut qendili bügün idrak qilinidu.
türkiye awazi radiyosi xewiri: muhemmed eleyhissalam dunyagha köz achqan kün bolghan rebiul axir éyining 12 – küni idrak qilinidighan mewlut qendili, islam dunyasigha nisbeten muhim bir kün we kéche hésablinidu.
lughet menisi «tughulghan jayi we waqti» dégen uqumni bildüridighan mewlut, islam medeniyitide bolupmu muhemmed eleyhissalamning dunyagha kélishini, bu dairide ötküzülgen murasimlarni we yézilghan eserlerni ipadilesh üchün ishlitilidu.
türkiye diniy ishlar idarisi diniy xizmetler bash idarisi teripidin mewlut qendili munasiwiti bilen türlük paaliyetler ötküzülidu.
istanbulda eyyub sultan we fatih jameliride, konyada kapu jameside, ispartada ulu we yéngi mehelle jameliride ishqa ashurulidighan mexsus pirogramma dairiside quran kerim tilawet qilinidu, mewlut oqulidu we dua qilinidu.
