jén paul firansiyening eng ataqliq edebiyat mukapatigha érishti
firansiyelik yazghuchi jén paul dubois «insanlar dunyada oxshash shekilde yashimaydu» namliq romani bilen firansiye gonkurt akadémiyesi edebiyat mukapatigha érishti.
türkiye awazi radiyosi xewiri: gonkurt akadémiyesi teripidin élan qilinghan bayanatta, mukapatning «insanlar dunyada oxshash shekilde yashimaydu» namliq romanning yazghuchisi jén paul duboisqa bérilgenliki bildürüldi.
jén paul dubois 1950 – yili firansiyening tolos shehiride dunyagha kelgen bolup, u romanida ikki mehbusning duch kelgen qéyinchiliqlirini mezmun qilghan idi.
firansiyening eng ataqliq edebiyat mukapati hésablinidighan «gonkurt akadémiyesi edebiyat mukapati» aldiniq yili «küntertip/ lodr du jor» namliq kitabning yazghuchisi érik wullardqa bérilgen idi.
«gonkurt akadémiyesi edebiyat mukapati» tunji qétim 1903 – yili tarqitilishqa bashlanghan bolup, her yili bir yazghuchi peqet bir qétimla bu mukapatqa érisheleydu.
biraq ataqliq firansiyelik yazghuchi romén gariy 1956 - yili öz nami bilen hemde 1975 – yil «amile ajar» dégen nam bilen ikki qétim bu mukapatqa érishken birdin bir yazghuchi bolghan idi.
buningdin ilgiri markél pirost we shimon dé béuwor gha oxshash ataqliq yazghuchilarmu bu mukapatqa érishken idi.
