yéssmuqluq köfte

«yéssmuqluq köfte» étish usuli.

yéssmuqluq köfte

türkiye awazi radiyosi: qarighan ailisidin bolghan, bolupmu gösh yémeydighan insanlar üchün qutquzghuchi bir aqsil menbesi bolghan yéssimuqning herbir türi türk taramlirining töridin orun alidu. yéssimuq salatlardin pologhiche, chorbidin börekkiche köpligen taamlarning asasliq matériyali hésablinidu.

 bügünki pirogrammimizda,  hem chay ichish waqtida istémal qilinidighan qoshumche yémeklik, hem asasliq yémeklik bolghan «yéssmuqluq köfte» étish usuli heqqide melumat bérimiz.

«yéssmuqluq köfte» étish üchün kéreklik bolghan matériyallar töwendikiche:

  • bir istakan qizil yéssmuq
  • ikki istakan inchike bulghur
  • ikki dane ushshaq toghralghan piyaz
  • yérim istakan zeytun yéghi
  • üch qoshuq pemidur qiyami
  • yérim istakan qaynaq su
  • bir tutam yumghaqsüt
  • 6 dane yéshil piyaz
  • bir létir su
  • bir tatliq qoshuqi tuz
  • bir tatliq qoshuqi zire
  • bir tatliq qoshuqi qizilmuch
  • bir tatliq qoshuqi qarimuch
  • 10 dane xam köktat yapriqi

«yéssmuqluq köfte» étish usuli töwendikiche:

  • aldi bilen, bir istakan yéssmuqni yughandin kéyin, bir létir su bilen pishurushqa bashlang.
  • yéssmuqlar yumshap, azraq su qalghangha qeder pishurung.
  • yéssmuqlar pishqandin kéyin otni öchürüp, qazangha ikki istakan inchike bulghurni ilawe qiling.
  • qazanning tuwiqini yépip, 35 – 40 minut etrapida dem yatquzung.
  • yéssmuqlar we bulghur demliniwatqanda «yéssmuq köftisi» ge qatidighan bashqa matériyallarni teyyarlang.
  • aldi bilen, ushshaq toghralghan piyazlarni zeytun yéghi qoyulghan qazanda taki yumshighangha qeder pishurung.
  • andin üch qoshuq pemidur qiyami ilawe qiling, arqidin bir tatliq qoshuqi qizilmuch bilen bir tatliq qoshuqi qarimuch ilawe qilip, arilashturung.
  • qazangha yérim istakan qaynaq su ilawe qilghandin kéyin, 1 – 2 qétim qayniting.
  • teyyarlanghan qiyam arilashmisini yéssmuq bilen bulghurgha qétip, arilashturung we qaytidin qazanning tuwiqini yéping.
  • bu ariliqta, yéshil piyaz bilen yumghaqsütni yuyup, inchike toghrang.
  • pemidur qiyami, bulghur arilashmisini bir qachigha qoyup, bir tatliq qoshuqi tuz we bir tatliq qoshuqi zire ilawe qilghandin kéyin yoghurung.
  • andin toghralghan matériyallarni qétip, yoghurushni dawamlashturung.
  • barliq matériyallar bir - birige yaxshi arilashqan chaghda, yangaq we dora – dermanlarni sépip istémal qilsingiz bolidu.


مۇناسىۋەتلىك خەۋەرلەر