dunya tarixidiki eng uzun ayropilan uchushi
awstiraliyening bir transport shirkiti «dunya tarixidiki eng uzun ayropilan uchushi» ni ghelibilik sinaq qildi.
türkiye awazi radiyosi: «BBC» qanilining xewer qilishiche, «The Boeing 787-9» tipliq ayropilan amérikaning niyu york shehiridin awstiraliyening sidnéy shehirige biwaste uchup, 16 ming 200 kélométirliq musapini 19 saet 16 minutta tamamlighan.
üzlüksiz, biwaste uchushning uchquchilargha, ayropilan xadimlirigha we yoluchilargha körsitidighan tesirini tetqiq qilishningmu bir parchisi bolghan bu qétimqi uzun uchush siniqida, ayropilanda 49 yolichining barliqi bildürüldi.
dunya tarixidiki eng uzun musapiliq uchush siniqi jeryanida, ayroplain qozghilishtin ilgiri yolichilarning saetliri sidnéy waqitigha toghrilandi. uchushtin 6 saet kéyin uyquni asanlashturudighan yuqiri karbonluq tamaq tarqitip bérildi.
shirket kéler ay yene, londondin sidnéyge toxtawsiz biwaste uchushni pilanlimaqta.
shirket teripidin élan qilinghan bayanatta, sinaq uchushlarning netijisi ijabiy bolghan teqdirde, 2022 – yaki 2023 – yilidin étibaren resmiy ayropilan qatnashlirining bashlinishi mumkinliki uqturuldi.