fahrettin altun: gherb döletliri süriye mesilisde öz puqralirigha yalghan sözlewatidu
jumhur reislik uchur - alaqe ishliri bashliqi fahrettin altun «süriye kordlirining térrorluq teshkilati p k k bilen xata halda oxshash körülishige katégoriye nuqtisidin qarshi turimiz» dédi.
türkiye awazi radiyosi xewiri: jumhur reislik uchur - alaqe ishliri bashliqi fahrettin altun twittér hésabidin élan qilghan bayanatida, süriyelik kordlarning térrorluq teshkilati p k k bilen oxshash körülüshining xata ikenlikini we gherb döletlirining süriye mesilisde öz puqralirigha yalghan sözlewatqanliqini tekitlep: «süriye kordlirining térrorluq teshkilati p k k bilen oxshash körülüshige katégoriye nuqtisidin qarshi turimiz. bolupmu sunniy ereblerning rayoni bolghan süriyening shimalini ishghal qiliwalghan térrorchilar markést, lénin idéologiyelirini yerlik xelqqe zorlap tangdi we ulargha boysunmighan hemmeylenni sürgün qildi yaki öltürdi» dédi.
fahrettin altun gherb döletliri hökümetlirining süriye mesiliside öz puqralirigha yalghan sözligenlikini tekitlep: «p k k axbarat erkinlikige we öktichilerge yol qoymighan shundaqla qiyin - qistaqlarni omumlashturghan bir partiyelik döletchilik tüzümi ornatti. p k k din qaytip chiqqanliqi üchün özlirining öltürülidighanliqidin qorqqan yüz minglighan süriyelik kord xelqi türkiyede yashimaqta» dédi.
