türkiye amérikining yürgüzgüsi  émbargolirigha naraziliq bildürdi

 türkiye awazi radiyosi xewiri: türkiye tashqi ishlar ministirliqi bayanatchisi hami aqsoy, bu heqte élan qilghan bayanatida, amérika qoshma ishtatliri xezine ishliri ministirliqining türkiyege qarshi émbargo yürgüzüshke teyyarliniwatqanliqigha alaqidar bayanatliri heqqide toxtilip mundaq dédi: «hemme türkiyeningmu amérika qoshma ishtatlirigha tégishlik jawab qayturidighanliqini bilishi kérek. <tinchliq buliqi> herbiy herikiti bashlanghan chaghda dölitimiz amérika qoshma ishtatliri hökümitige her sewiyede melumat berdi. tashqi ishlar ministirliqimizmu bu heqte bayanat élan qilip, xelqara jemiyetni heriketning nishani we dairisi heqqide muhim uchurlar bilen teminlidi. türkiye milliy bixeterlikige tehdit shekillendürüwatqan térrorluq teshkilatlirigha qarshi  küresh qiliwatqan bir dölet bolup, bu kürishini taki axirqi ghelibini qolgha keltürgenge qeder izchil dawamlashturidu. hemme shuni bilishi kérekki, bu  küreshke qarshi tashlinidighan herbir qedemge qarita türkiye tégishlik jawab qayturush küchi hem hoquqigha ige.»

amérika qoshma ishtatliri xezine ishliri ministiri stéwén minuchin amérika pirézidénti trampning tashqi ishlar ministirliqigha  türkiyege  émbargo  yürgüzüsh hoquqi bérish qararnamisini imzalaydighanliqini, biraq émbargolarning hazir yürgüzülmeydighanliqini uqturghanidi.