chawushoghlu: süriyede élip baridighan herbiy heriket xelqara qanunda belgilengen heq - hoquqimizdur
tashqi ishlar ministiri mewlüt chawushoghlu süriyediki bölgünchi térrorluq teshkilati y p g/ p k k gha qarshi türkiye élip baridighan herbiy heriketning xelqara qanunda belgilengen heq – hoquqi ikenlikini éytti.
1284798
türkiye awazi radiyosi xewiri: mewlüt chawushoghlu aljiriyediki resmiy ziyariti jeryanida, süriyede firat deryasining sherqini makan tutqan bölgünchi térrorluq teshkilatigha qarshi élip bérilmaqchi bolghan herbiy heriket üstide toxtaldi.
mewlüt chawushoghlu térrorluq teshkilatining asasliq meqsiti süriyeni bölüsh ikenlikini tekitlep, «süriyening zémin pütünlikini qollap – quwwetleymiz. xelqara qanun dairiside, b d t, süriye we bashqa munasiwetlik döletlerge melumat bérimiz. bu rayonning muqimliqi üchün tolimu muhim bir heriket. türkiye we rayondiki köchmenlerningmu özliri xalighan shekilde wetenlirige qaytishi ishqa ashidu. birla nishanimiz u yerdiki térrorchilardur» dédi.
