bügün türkiy tilida sözlishidighan döletler hemkarliq küni (bayrimi)

türkiye awazi radiyosi xewiri: tashqi ishlar ministirliqidin élan qilinghan yazma bayanatta, türkiy tilida sözlishidighan döletler hemkarliq kéngishining qurulishigha dair nahchiwan ehdinamisining 2009 – yili 3 - öktebirde imzalanghanliqi eskertildi.

ehdinamining türkiye, ezerbeyjan, qazaqistan we qirghizistan otturisida imzalanghanliqi we xatire yilining her yili «türkiy tilida sözlishidighan döletler hemkarliq küni» süpitide alahide tebriklinip kéliwatqanliqi tekitlendi.

bayanatta, «10 – nöwetlik xatire yili tebrikliniwatqan <türkiy tilida sözlishidighan döletler hemkarliq küni> 15 – öktebirde ezerbeyjanning paytexti bakuda ötküzülidighan türk kéngishining 7 – nöwetlik rehberler yighinigha özbéksitanning toluq eza süpitide qatnishishi shundaqla türk kéngishi yawropa ishxanisining paaliyet bashlishigha shahit bolmaqtimiz. shu wejidin bizlikimiztéximu kücheygen mezgilide bu künni tebriklimektimiz» déyildi. 

ötken 10 yilliq mezgilde türk kéngishining sistémiliq organlishishi üchün muhim qedemlerning tashlanghanliqi alahide tekitlengen bayanatta yene, «kéngesh bilen hemkarliq ichide birlikte xizmet qiliwatqan < türk tilida sözlishidighan döletler parlamént ezaliri gewdisi>, <xelqara türk kültüri we medeniyet teshkilati>, <türk akadémiyesi>, <türk kültüri we mirasi fondi jemiyiti> shundaqla <türk kéngishi ortaq soda – sanaet uyushmisi> qatarliq teshkilatlar arqiliq eza döletler otturisidiki munasiwetler téximu keng puxta asasqa ige qilindi. dost we qérindash türkiy jumhuriyetlirining ortaq tili, ortaq tarixi we kültüridin küch alghan türk kéngishi yawro asiyaning tinchliqi, muqimliqi we bayashatliqi üchün muhim töhpilerni qoshushni nishan qilghan halda kelgüsige qarap ilgirilimekte» déyildi.

türk kéngishi 2009 – yili 3 - öktebirde qazaqistanning qurghuchi pirézidénti nursultan nazarbayéwning teklipi bilen qurulghan idi.