b d t ning alahide doklatchisi shahzade muhemmed bin selmangha naraziliq bildürdi

türkiye awazi radiyosi xewiri: birleshken döletler teshkilati sotsiz, xalighanghache jazalashni toxtitish bölimi mexsus doklatchisi agnés kallamard seudi erebistan text warisi muhemed bin selmanning zhurnalist qashiqjining öltürülishi üstide toxtilip «jawabkarliqni üstümge alimen» dégen bayanatigha naraziliq bildürdi.

kallamard seudi erebistanliq zhurnalist jemal qashiqji jinayitining 1 – xatire yili munasiwéti bilen ijtimaiy taratqu hésabida bayanat élan qildi. 

agnés kallamard shahzade muhemed bin selmanning qashiqji jinayitidiki xususiy rolini ret qilip, «bu yirginishlik bir jinayet idi. biraq seudi erebistanda bir rehber bolush süpitim barliq jawabkarliqni üstümge alimen» dégen bayanatigha naraziliq bildürüp, mundaq dédi:

«birinchidin؛ bu bayanatta, qashiqjining öltürülishining bir dölet jinayiti ikenlikige dair keskin bir ipade bar. bu jinayet yérim dölet reisi bolush süpiti bilen uning nazariti astida ötküzüldi. ikkinchidin؛ text warisi shahzade bu jinayetni özidin uzaq tutush üchün chong azablarni chekmekte. seudi erebistan hökümitinimu qashiqji jinayitige döletning jawabkar ikenlikige shundaqla sot qilinmastin xalighanche jazalash ikenlikige dair höjjetlirimni hazirgha qeder dawamliq ret qilip kelmekte» dédi. 

agnés kallamard shahzade muhemed bin selmanning «pütün jawabkarliqni üstümge alimen» dégen bayanitidinmu memnun bolmighanliqini tilgha élip, «jawabkarliqni qobul qilish, jinayetni resmiy türde étirap qilish, kechürüm sorash we <qayta ötküzmeymen> déyish sheklide bolushi lazim. mesuliyetchan bir dölet rehbirining qilishqa tégishli ishi budur. biraq bügünge qeder undaq ish bolmidi. del eksiche ish boldi. mesuliyetchan bir dölet rehbiri qashiqji jinayitige seweb bolghan 12 ayliq yalghan uchur, 12 ay dawamlashqan gheyriy nurmalliq we bésim siyayetlirige bahane izdep yürmesliki kérek idi» dédi.  

shahzade muhemed bin selmanning jinayette qoli bar resmiy xadimlar we organlar otturisida ghelite qatlamlarni shekillendürüp, bu arqiliq shexsler we organlarning özi xalighanche heriket qilghanliqini ilgiri sürüwatqanliqini eskertken agnés kallamard, buning toghra emeslikini we muhemed bin selman étirap qilmighan teqdirdimu jinayetni pilanlighuchi we qatillar bilen intayin yéqin chétishliqi barliqini tekitdi.

jemal qashiqji toy resmiyetlirini béjirish üchün 2018 – yili 2 - öktebirde seudi erebistanning istanboldiki konsolxanisigha kirginide öltürülgen idi.