donald tramp kéler ay jenubiy koréyege ziyaretke baridu
amérika pirézidénti donald tramp kéler ay pirézidént mun jain bilen shimaliy koréyening yadro qorallardin tazilinishi we hemkarliq mesililirini muzakirilishish üchün jenubiy koréyede ziyarette bolidu.
türkiye awazi radiyosi xewiri: yonhap agéntliqining xewirige asaslanghanda, jenubiy koréye pirézidéntliqi teripidin élan qilinghan bayanatta, trampning iyun éyining axirida yaponiyede ötküzülidighan g 20 döletler guruhi rehber yighini üchün rayonda élip baridighan ziyaritining bir parchisi süpitide jenubiy koréyede ziyarette bolushni pilanlighanliqi bildürülgen.
jenubiy koréye pirézidéntliqi bayanatchisi ko mindung, «ikki rehber koréye yérim arilining yadro qorallardin pütünley tazilinishi we jenubiy koréye bilen amérika otturisidiki ittipaqdashliqning téximu kücheytilishi arqiliq uzun muddetlik bir tinchliqning ishqa ashurulishi üchün muzakirilishish pilandi» dédi.
bayanatchi ko mindung jenuby koréye bilen amérikining özara kéliship, trampning yéqinda yérim aralda élip baridighan ziyariti dairiside qoshumche diplomatik meslihetlishishlerde bolushqa kélishkenlikini éytti.
aq saraydin élan qilinghan bayanatta bolsa, tiramp bilen mun jainning shimaliy koréyeni yadro qorallardin toluq we tel töküs tazilap bolghangha qeder ortaq tirishchanliqlargha dair hemkarliqlirini dawamlashturidighanliqi shundaqla ikki dölet otturisidiki ittipaqdashliqni qollap – quwwetlesh jehettimu muzkirilishidighanliqi uqturuldi. biraq trampning jenubiy koréyede élip baridighan ziyaritining waqti bildürülmidi.
g 20 döletler guruhi rehber yighini yaponiyening osaka shehiride 28 – iyundin 29 – iyunghiche dawamlishidu.
tramp eng axiriqi qétim jenuiy koréyede 2017 – yili noyobirdiki asiya ziyaritining ikkinchi békiti süpitide ziyarette bolghan idi.
