italiyede 51 kichik bala köydürülüp öltürülüsh aldida qutquzup qilindi

türkiye awazi radiyosi xewiri: italiyening shimalidiki milano shehiri etrapida bir mektep abtobusining shopiri ichide 51 kichik bala olturghan abtobusni élip qéchip, ot qoyup bermekchi bolghanda nazaretke élindi.

ösmülerdin birisning saqchilargha téléfon qilishi sayisida amanliqni saqlash küchliri abtobusni tosup balilarni qutquzup qaldi. 

esli sénégalliq italiye puqrasi shopurning aq déngizdiki köchmenlerning ölümlirige naraziliq bildürmekchi bolghanliqi ilgiri sürülmekte.

italiye metbuatlirining xewirige asaslanghanda, san donato milanés yézisida yüz bergen weqe texminen 40 minut dawamlashqan. 

toluqsiz ottura mektep oqughuchilirini bir tenterbiye zaligha élip barmaqchi bolup mekteptin tapshurup alghan 47 yashliq abtobus shopuri oseynu siy toyuqsiz yolni özgertip, balilarni milano linat ayrodorumi terepke élip méngishqa bashlighan.  

aptobustiki kichik balilardin birsining éytip bérishiche, shopur bu jeryanda aptobusning ichige bénzin tökken we balilarning qollirini baghlighan. balilardin birsi qolini baghlaqtin yéshishte utuqqa érishkendin kéyin saqchilargha téléfon qilghan.  

saqchilar yol üstige tosaq qorup shopur oseynu siyni toxtatmaqchi bolghan bolsimu, shopur tosaqlarni yérip ötüshke tirishqan. lékin uzun ötmey toxtashqa mejbur bolghan we aptobustin chüshüp, chaqmaq bilen aptobusqa ot qoyup bergen. biraq aptobusqa ot tutushup bolghuche balilar saqchilarning yaridimi bilen abtobustin qéchip kételigen.

balilardin beziliri ot ketken aptobusning is – tüteklirining tesirige uchrighan we doxturxanida balnéstqa élinghan.

qalghan balilarning ehwalining yaxshi ikenliki bildürülmekte.