erdoghan noruz bayrimi tebriknamisida muhim söz qildi

türkiye awazi radiyosi xewiri: jumhur reis rejep tayyip erdoghan 21 – mart xelqara noruz bayrimi munasiwiti bilen tebrikname élan qildi.

jumhur reisning tekbirnamisida, «baharning kélishi bilen simwollashqan, bizlerge nisbeten barliq oxshimasliqlardin halqip, birlik we barawerlik ichide ötmüshimiz bilen kelgüsimizge ige chiqishni bildüridighan noruz künini tebrikleymen» déyildi.

erdoghanning tebriknamisida yene, «oxshimasliqlarni bayliq dep qaraydighan, tinchliq, mötidilliq, söygü we qérindashliqqa oxshash alemshumul qimmet qarashlar bilen yughurulghan bir medeniyetning wekilliri hésablinidighan bizler, noruz simwolluq qilidighan yéngidin tirilish ruhigha her daim ige chiqip, rayonimiz we dunyada yüz bériwatqan selibiyliklerge qarshi öz tariximizdin alghan küchimiz bilen küreshlirimizni dawamlashturimiz» dégen sözler ishlitildi. 

baharning xewerchisi hésablinidighan noruzning pütün dölet miqyasida we ortaq medeniyetke ige döletlerde shundaqla qérindash xelqler arisida söygü we dostluq bayrimi süpitide tebiklinishini ümid qilidighanliqini tekitligen erdoghan, «beriket we bayashatliqning bayrimi noruzning eziz millitimiz üchün güzellikler we yaxshiliqlar élip kélishini téleymen. barliq wetendashlirimgha eng chongqur qelbiy tuyghulirim bilen salam yollaymen» dédi.