qazaqistanda yétim we méyip ösmürler üchün noruz paaliyiti ötküzüldi

türkiye awazi radiyosi xewiri: qazaqistan döletlik muziyida ötküzülgen paaliyetke qazaqistan medeniyet we tenterbiye ishliri ministiri aristanbék muhemmedulidin bashqa yene, qazaqistanda paaliyet qiliwatqan chet el elchiliri we nurghun sanda méhmanlar ishtirak qildi.

paaliyette milliy naxsha we usul numurliri körsitildi. köchmen qazaq xelqining enniwiy kéyim körgezmisi échlidi we qol hüner senetliri körgezme qilindi. noruz yémiki bolghan «koje» tarqitip bérildi. ige – chaqisiz, yétim we méyip ösmürlerge hediye tarqitildi.

ministir muhemmeduli sözligen nutuqida, milliy örp – adetlerning we noruz bayrimining milliy medeniyetni qanat yaydurush jehettin neqeder muhimliqini tekitlep, «noruz bayrimi peqetla qazaqlarning emes, dölitimizde yashaydighan barliq xelqning bayrimi bolushi lazim» dédi.

noruz bayrimi paaliyetliride qazaq xelqining enene, örp – adetliri we her xil qol, hüner senetliri körgezme qilinghanliqini tilgha alghan muhemmeduli, «dölitimizning kelgüsi yashlarning qolida, yashlirimizgha enene, örp – adetlirimizning ijabiy tereplirini körsitimiz lazim» dédi.

muhemmeduli 21 – mart noroz bayrimida hemmeylenni eneniwiy kéyimlirini kéyip, paytext astananing oxshash bolmighan jaylirida ötküzülidighan kültür paaliyetlirige qatnishishqa teklip qildi.