ayrodorumda bowaq balisini untup qalghan ana sewebidin ayropilan arqigha yandi
seudi erebistanning jidde shehiridin malayshiyaning paytexti kuala lumpurgha qarap uchqan yoluchi ayropilanida bir ayal, bowaqini ayrodorumda untup qalghanliqini bildürgendin kéyin ayropilan jiddige qaytti.
türkiye awazi radiyosi xewiri: sin hembehirlishish tori «YouTube» de élan qilinghan widéoda, kuala lumpurgha kétiwatqan ayropilanning uchquchisining jiddidiki hawa qatnash kontirol supisigha qayta qonush telipide bolghanliqi körsitildi.
malayshiya axbaratlirining xewiride, uchquchining mezkur widéoda hawa qatnash kontirol supisigha chaqiriqta bolup, «bir yoluchimiz buwaq balisini kütüsh zalda untup qaptu. qaytip qanalamduq?» dégen telepni yollighanliqi, kontrol sopisidiki mesul xadimning heyranliq ichide «chüshendim, qaytsingiz bolidu, bundaq ishni tunji qétim anglawatimiz» dep jawap qayturghanliqi bildürüldi.
ayropilan hawagha örlep qisqighine waqttin kéyin jiddediki padishah abdul eziz ayrodorumigha qaytip keldi.
ayal buwaq balsini ayrodorumda qandaqlarche untughanliqi heqqide héchqandaq bayanat bermidi.
«YouTube» gha qoyulghan uchquchi bilen hawa qatnishi kontrol supisidiki xadimning söhbitining 50 ming qétim körülgenliki bildürüldi.
