pompéyo jenubiy déngizning seperlerge ochuq bolushini qoghdaydighanliqlirini éytti

türkiye awazi radiyosi xewiri: pompéyo filippindiki dölet ishliri ziyaritide tashqi ishlar ministiri téyodoro loksin j r. bilen körüshti.

u filippin tashqi ishlar ministiri téyodoro loksin j r.  bilen ötküzgen axbarat élan qilish yighinida, amérikaning jenubiy déngizning her türlük seperge ochuq qélishining, «xitayning talash-tartishtiki déngiz ötenglirige tehdit peyda qilmasliqi» ning kapalitige baghliq ikenlikini bildürdi.

amérika tashqi ishlar ministiri mayk pompéyo washington hökümitining filippinni we rayondiki bashqa döletlerni «hayatiy ehmiyetke ige soda ötenglirining ochuq turushi» meqsitide qollaydighanliqlirini eskertip: «xitayning jenubiy déngizda süniy aral peyda qilishi we herbiy paaliyetliri, igilik hoququnglargha, bixeterlikinglargha, shundaqla iqtisadiy menbeliringlargha tehdit salidu, oxshash waqitta amérikaningghimu» dédi.

filippin tashqi ishlar ministiri téyodoro loksin j r. amérika pirézidénti donald tramp we tashqi ishlar ministiri pompéyoning filippin pirézidénti rodrigo dutértégha bergen kapalet toghrisida toxtilip, amérikaning qollishigha ishinidighanliqini éytti.

xitay hökümiti 1947-yili élan qilghan xerite arqiliq igilik hoquq talash-tartishi yüz bériwatqan jenubiy déngizning %80 i üstide igilik dewasi qiliwatqan bolup, yer asti bayliqliri nuqtisidin mol bolghan rayonda filippindin bashqa yene, wiyétnam, biruni we malayshiya qatarliq qoshna döletler bilenmu igilik hoquqi talash-tartishi qilmaqta.

béyjing hökümiti jenubiy déngizdiki arallarda herbiy baza qurup peyda qiliwatqan igilik hoquqi dewasigha, rayon döletliridin bashqa amérikamu qarshi chiqmaqta.

xelqarada spiratil taqim aralliri dep atilidighan arallarni, wiyétnam xong sa we chung sa؛ xitay bolsa, shisha we nensha dep ataydu.