alsani: qatargha yürgüzülgen émbargolarning qanunsiz ikenlikini pütün dunya kördi

türkiye awazi radiyosi xewiri: qatar tashqi ishlar ministiri sheyix muhemmed bin abdurrehman alsani birleshken döletler teshkilatining jenwediki kishilik hoquq kéngishining 40 – nöwetlik yighinida söz qilip, pütün dunyaning qatargha yürgüzülgen émbargolarning seweblirige alaqidar ilgiri sürülgenlerning inawetsiz ikenlikini chüshünüp yetkenlikini bildürdi.

alsani: «qatar her qaysi döletlerning musteqilliq heq – hoquqigha hörmet qilish asasida paris qoltuqi kirizisining keng dairilik hel qilinishi üchün alaqe – munasiwetning muhimliqigha ishinidu» dédi we qatargha yürgüzülgen émbargolarning xelqara qanungha shundaqla birleshken döletler teshkilati ehdinamisigha xilap ikenlikini éytti.

alsani kirizisni hel qilish üchün körsitilgen muressechilik triishchanliqlirini maxtidi we bu tirishchanliqlarning netije béridighanliqidin ümidwar ikenlikini tilgha aldi.

qatarda ishchilarning heq – hoquqlirining tereqqiy qildürülghanliqini tekitligen alsani, qatarda daimliq iqamet qanuni chiqirilghanliqini we chet elliklerning kirish – chiqish shundaqla iqamet élish ishlirigha alaqidar qanunlarningmu retke sélinghanliqini qeyt qildi.

alsani birleshken döletler teshkilati insanperwrelik fondi üchün iqtisadiy yardemde bolghanliqini bildürüp, pat yéqinda paytext dohada b d t ning oxshash bolmighan organlirining ishxaniliri ichilidighanliqini élan qildi.