jumhur reislik sariyi simfoniye orkéstiri féstiwali bashlandi
2018 – 2019 – yilliq jumhur reislik sariyi simfoniye orkéstiri féstiwali jumhur reislik sariyi yighin we medeniyet merkizide bashlandi.
![jumhur reislik sariyi simfoniye orkéstiri féstiwali bashlandi](http://cdn.trt.net.tr/images/xlarge/rectangle/139c/4e36/867f/5bbf08ba533ac.jpg?time=1719060750)
türkiye awazi radiyosi xewiri: féstiwalning rengim gökmen rézhissorluqidiki échilishigha, medeniyet we sayahet ishliri ministirliqi döletlik xor ömikidin sirt yene, döletlik opéra we ballét ussuli senetchiliridin görkem ezgi yildirim, tenor bülent bezdüz we zefer erdash qatarliqlar ishtirak qildi.
konsértta neshet ertashning «zahidem», «ednan saygunning «yunus emre oratoriyesi» qatarliq meshhur türk muzikiliridin nemuniler orundaldi.
konsértning axirida sehnige chiqip, senetchilerni tebrikligen türkiye büyük millet mejlisi bashliqi binali yildirim, «féstiwalning échilishida namayen qilghan maharitinglar üchün barliq tamashibinlar namidin silerge köptin- köp rehmet éytimen. féstiwalda bashtin – axir silerge muweppeqiyet tileymen» dédi.
yene bir tereptin, jumhur reislik sariyi simfoniye orkéstiri konsérti jumhur reis rejep tayyip erdoghanning ammiwi ortaqlishish tor béti Twitter sehipiside neq meydandin tarqitildi.