13 yashliq uyghur perzenti taylandche mushtlishish musabiqiside birinchi boldi

türkiye awazi radiyosi xewiri: istanbulda turushluq uyghur perzenti 5-sinip oqughuchisi imran abliz tirakya rayonluq taylandche mushtlishish fédératsiyesi teripidin qiriqlaleride ötküzülgen tirakya rayonluq ösmürlerning taylandche mushtlishish musabiqiside chimpéyon boldi.

radiyomiz muxbirining ziyaritini qobul qilghan ata–anisi, imran ablizning 6 yéshidin tartipla her türlük mushtlishish tenterbiyesi boyiche üzliksiz meshiq qilip kéliwatqanliqini éytip berdi.

13 yashliq uyghur oghlani imran abliz hazir istanbul baghchilar birikim xususiy bashlanghuch mektipining 5– sinipida oquwatqan bolup, u  chambashchiliq, xitayche bokis, tepme bokis we taylandche mushtlishish qatarliq 4 xil bokis türi boyiche musabiqige chüsheleydu.

uning ata–anisining bildürüshiche, aldinqi yili istanbulda ötküzülgen wilayetlik ösmürler tepme bokis musabiqisidimu birinchilikke érishken imran ablizning nishani aldimizdiki iyul éyida ötküzülidighan döletlik taylandche mushtlishish musabiqiside birinchilikke ériship, türkiye döletlik komandisining ezasi bolush iken. 

uyghur oghlani imran abliz tenterbiyedila emes mekteptiki dersliridimu sinipning aldi bolup mangghandin bashqa yene, hazirgha qeder 18 pare quran yadqa élip bolghan bolup, oqutquchilirimu uning özige bolghan ishenchiisining intayin yüksek ikenlikini we tolimu zirek, istiqbali parlaq oqughuchilardin birsi ikenlikini alahide maxtap tilgha élishmaqta.