xelqara islam alimliri yighini bashlandi
xelqara islam alimliri ilmiy muhakime yighini shanliurfada bashlandi.
türkiye awazi radiyosi xewiri: dunyaning herqaysi jayliridin kelgen musulman diniy alimlar ishtirak qilghan yighinda islamning alemshumul signali bolghan tinchliq, adalet we erkinlik mesililiri muzakire qilinidu.
diniy ishlar idarisi bashliqi mehmet görmez yighinda qilghan sözide, islam dinining tinchliq, adalet we erkinlik dini ikenlikini, bu üch simwolning islam bilen bir gewdiliship ketkenlikini tekitlep mundaq dédi: «quyashning nur chachidighanliqi, kündüzning yoruqluq ikenliki hemmige ayan bolghinidek, islamning tinchliq, adalet we erkinlik dini ikenlikimu hemmige besh qoldek ayan.»
görmez adem eleyhissalamdin tartip muhemmed eleyhissalamghiche barliq peyghemberlerningmu mushu nishanlar üchün izchil küresh qilghanliqini qeyt qildi.
igilinishiche, uda üch kün dawamlishidighan yighinda, diniy alimlar oxshimighan jehetlerdin islamning adalet, tinchliq we erkinlik signali heqqide muhakime élip baridu.
