erdoghan: kéreklik qedemler tashlanmighan teqdirde, gérmaniyege oxshash usulda jawab qayturimiz

türkiye awazi radiyosi xewiri: jumhur reis rejep tayyip erdoghan, türkiye büyük millet mejlisi bashliqi wekili ayshenur bahcheqapilining gérmaniyede nachar muamilige uchrighanliqigha naraziliq bildürüp, türkiyeningmu gérmaniyege oxshash shekilde jawab qayturidighanliqini bildürdi.

erdoghan jumhur reislik sariyi ötküzülgen 31- nöwetlik mehelle bashliqliri yighinida türkiye büyük millet mejlisi bashliqi wekili uchrighan nachar muamilige qattiq naraziliq bildürdi؛ gérmaniyediki ziyariti jeryanida kimlik, pasport qatarliq nerse – kérekliri bolghan somkisining oghrilinishidin kéyin türkiye elchixanisidin élinghan waqitliq pasportining bolushigha qarimay, bahcheqapiligha ayrodorumda ötüsh ruxsiti bérilmigenlikini bildürgen jumhur reis erdoghan, «sen térrorchini élip dölitingde méhman qilisen. lékin bu döletning türkiye büyük millet mejlisining bashliqi wekilini we heyitini u yerde ishikning aldida bir qanche saet saqlitisen. emdi bulargha oxshash muamile qilish kérek bolmamdu? uningdin kéyin erdoghan diktator bolidu. sen méning türkiye büyük millet mejlisining muawin bashliqigha bu xil muamilini qilsang, méning buninggha oxshash shekilde jawab qayturushum kérek. bu ishni qilghan barliq xadimlargha kéreklik ishlarni qilmaydighan bolsang, türkiyemu buninggha oxshash shekilde jawab qayturushqa mejburdur» dédi.